Woh apne pesh-e nazar ehtram rakhthe the
kabhee woh hum se dua aur salam rakhte the

“aarzoomehek”

Katra ke guzar jaane ki aadat bhi bahut hai
Kahne ko usey mujh se moHabbat bhi bahut hai

MiTne ki mujhe yaar pe chaahat bhi bahut hai
Aur us ke liye jine ki hasrat bhi bahut hai

Tanhaaiee miree baayiSe wahshat bhi bahut hai
Lekin mujhe tanhaaiee se raghbat bhi bahut hai

WadoN ka usey shauq bhi hai sub se ziyadah
WadoN se mukar jane ki aadat bhi bahut hai

Budnaam-e zamana hooN tire pyaar meN lekin
Duniya meN mire naam ki shohrat bhi bahut hai

Gahraaiee hai itni keh koyi Doob hi jaye
Waise tou un aaNkhoN men shararat bhi bahut hai

Duniya meN nahiN ishq se baRh ker koii raHat
Ai Aarzoo is kaam meN zillat bhi bahut hai

sara zamana karta rahe teeragee ki baat
“hum raushni mizaj kareN raushni ki baat”

AaNsoo bahaya karte haiN tanhaaiyoN meN hum
aur mehfiloN men karte hain sub se Khushee ki baat

Jin ko koii saleeqa-e fikr-e suKhan nah tha
karte rahe hum unse sada shairee ki baat

dil men to uske bhi hai tamanna-e zindagee
majboor hoke karta hai jo Khudkushee ki baat

jo doosroN ke Haal pe haNste haiN besabab
aisoN se koii kya kare sanjeedagee ki baat

uTh kar tumharee bazm se aana paRa hameN
hum se nah ki kisee ne wahaN dosti ki baat

hum “Aarzoo” chupate haiN dil me sabhi ke aib
hum woh nahin kise se kaheN jo kisee ki baat

[aarzoo]

Aisi nishaaniyan dekhne ke baad bhi akhir tumhare dil saqt hogai, patharon ki tarha saqt, balke saqti main kuch unse bhi barhe hue, kyonke patharon main se to koi aisa bhi hota hai jis main se chashme phoot parte hai aur usmain se paani nikal aata hai, aur koi Khuda ke khauf se laraz kar gir bhi padta hai…Allaah tumhaare kartuton se bekhabar nahi hai…[Surah Bakhra]

JUST REMEMBER GOD IS WATCHING EACH AND EVERY MOVE OF YOURS……………….!!!

You can never be my hero
Cauze your feelings are zero
You just know to  inflict pain
Can’t think beyond your gain
You have a heart so cold
And emotions untold

You ripped my emotions
And I cried the oceans
Those tears were not a few
I can never look up to you
As my saviour and friend
Cauze you ruined me to end

You promised a friendship till eternity
But failed to make it an entity
You faltered at the first step itself
Leaving me to cope with  myself
Now my heart is so distressed
Just becoz you didnt give it your best.

“aarzoo”

Bafaiz.e zikr-e Rub wallah paayee maiN ne izzat hai
“mira uThna ibadat hai mira sona ibadat hai”

zubaN pe Hamd.e Rub dil meN Mohammed* ki mohHabbat hai
yehee hai mera sarmaya yehi bus meri daulat hai

azaaboN se bacho eemaan walo! maan bhi jaao
Khuda ka Gaiz jis per ho qayamat hi qayamat hai

GunahoN se hamari zindagee lubrez hai Ya Rub!
Hamri maghfirat ka aasra bus teri rahmat hai

main Aasi hoon magar dil meN liye hooN aas jannat ki
mire sir pe Rasool-e Pak ka dast-e shafaAt hai

Isey dou waqt ki roTee ki Khatir bech deta hai
MuslamaaN ke liye eemaan saamaan-e tijarat hai

Hamare dil meN kyuuN emman ki shammeN na hoN raushan
Harik goshe meN kali KaNbli wale ki muwaddat hai

Jo apne nafs se hara woh momin ho nahiN sakta
Muslamano! jihad-e Nafs ik achchi ibaadat hai

Chalee hooN janib-e Mecca-Madina josh hai dil meN
zubaN per naaraa-e takbeer hai pairoN meN Harkat hai

Bana leN ik kaniz apni mujhe ai Mursal-e Aazam !*
Keh ab is “Aarzoo” ke dil meN bus itni hi chaahat hai

* SAWW
* Mursal-e Aazam: Sub se baRe Rasool yaane hamare Rasool-e Pak SAWW

Madine se aayee hawaa.e Madina
Hawaa meN basee hai faza.e Madina

Yehee “Aarzoo” ki bus ik aarzoo hai
Kabhi usko qismat dikha.e Madina

Kabhi ansuon ko gaalon par jalte hue mehsoos kiya hai kissi ne…gar nahi to samjho us dard ki kagaar tak nahi pohonche jahaan har shai beimaani aur ansoo ek dehekta hua angaara ban galon par sulagta hai, ankhon ki dhalaan se utar kar daman ki ziya ban jaata hai…lekin un ansuon ki keemat koi kya jaane ye to paani hai jab tanhaai main behta hai.. shayad in tanhaai main behte ansuon ka hisaab khuda ke paas shumaar hota hai..Insaan sab se kareebtar shayad unhi qurbat ke lamhon main hota hai..Kissi ki bewafaai, zindagi se na umeedi, insaan ko Rab se kareeb kar deti hai…wo besakhta apne ankhon main chupe dard ke samundar ko baha deta hai…siskiyon se faza goonjne lagti hai..wo nidhaal apne Rab ke aage nihatta haara hua dard se sarabor khara rehta hai..jaanta hai ye akhri wohi dar hai jahaan uske aahon ki keemat samjhi jaaigi, jahaan uske gham ki puuch hogi, jahaan usko sukoon.e qalb milega…

ansoo gunaaho ki baqshish ka baais hota hai ye insaan ko paak.o saaf kardeta hai har gunaah se kyonke ye ashq.e nadamat hote hai jo dil se zung ko saaf kardete hai..Wo paak aur shafaf ban jaata hai jaise ki abhi duniya main tawaluud hua ho ek dam masoom beaib us masoom bache ki tarha…apne ansoo lekar kissi aur ke dar par na jaain, koi dost ahbaab aapke zakhmon pe marham nahi laga sakta…ek wohi dar hai jahaan aapki guhaar suni jaati hai jahaan aapke ashq moti ban jaate hai…Aao doston apne gham apne dukh apne ansoo Allaah Subhan.o Taala ke bargaah main pesh karte hai… ek wohi dar hai jahaan se insaan khaali haath kabhi nahi lautta.

Jo ansoo KHuda ki raah main behte hai wo beshkeemti hote hai, anmol aur nayaab moti..Kissi insaan ki kya besaat ke aapko kuch de sake mangna hai to us dar se mango…mehboob ka gham, duniya ke ranj.o alam, dukh dard taqleef sab kuch kitna chota lagta hai us azeem hasti ke aage…Apne aapko Rab ke hawaale kardo phir dekho koi ansoo aapke daman ki ziyaa nahi banenge kyonke Baari.e Taala khud apni rahmat ki chadar main humaare ansoo samet leta hai..Ek baar tahe dil se Rab ki bargaah main aa kar dekhna sukoon.e qalb hi naseeb hoga…Allaah tamaam duniya ke ranj.o alam se sab ko apne hifz.o amaan main rakhe..Ameen

 :aarzoo: